Հրաշալի նորություն, որին անձամբ շատ երկար սպասել եմ: Հրատարակվել է «Թուրքիայի հանրապետության պատմություն» բուհական դասագիրքը (գիրքը ներբեռնել այստեղից), որի շնորհանդեսը տեղի կունենա նոյեմբերի 2o-ին Երևանի պետհամալսարանում: Գիրքը շատ կարևոր գիտական, կրթական ու քաղաքական նշանակություն ունի: Ուրախ եմ, որ ես էլ իմ փոքրիկ հեղինակային հատվածն ունեմ էս կարևորագույն աշխատության մեջ: Հայկական թյուրքագիտական դպրոցը դեռ լիքը ասելիք ու անելիք ունի, վստահ եմ:
Գրում է իմ ուսուցիչ, թուրքագետ Ռուբեն Մելքոնյանը. «…Այսօր տպագրվել է «Թուրքիայի Հանրապետության պատմություն» բուհական դասագիրքը, որը հեղինակել ենք իմ ընկեր թուրքագետների հետ` մեր Ուսուցչի` Ռուբեն Սաֆրաստյանի գլխավորությամբ: Սա առաջին հայկական դասագիրքն է հանրապետական Թուրքիայի պատմության վերաբերյալ, որի կարիքը կար վաղուց և որն ունի շատ կարևոր գիտական, ուսումնական և քաղաքական նշանակություն: Իրականում այս դասագիրքը մեծ նվեր է մեր ուսանողներին, որոնք այլևս ստիպված չեն լինելու Թուրքիայի նորագույն շրջանի պատմությունը ուսանել խորհրդային հնացած և շատ հաճախ մեր ազգային խնդիրներին հակասող ռուսալեզու դասագրքերով: Ավելի մանրամասն` առաջիկայում սպասվող շնորհանդեսի ժամանակ…»:
Գրքի մասին տե՛ս Թերթ.ամ լրատվականի նյութը:
Թյուրքագետ Վարուժան Գեղամյանի բլոգը 
[…] Վերևում շատ կարճ կյանք ունեցած Հաթայ պետության դրոշմանիշն է։ Գտա էստեղ։ Երևի գիտեք Հաթայի (Ալեքսանդրեկ) նահանգի պատմությունը։ Եթե ոչ, ապա մեջբերում եմ վերջերս լույս տեսած «Թուրքիայի Հանրապետության պատմություն» գրքից։ […]