Խորհրդային Միությունում արևելագիտական գլխավոր գիտական ամսագրերից մեկը «Советская тюркология»-ն (Խորհրդային թյուրքագիտություն) էր, որը սկսեց հրատարակվել 1970 թ. ԽՍՀՄ Գիտությունների ակադեմիայի և Ադրբեջանական ԽՍՀ Գիտությունների ակադեմիայի կողմից։
Գիտական պարբերականը նվիրված էր գերազանցապես թյուրքական բանասիրությանը։ Հրապարակվող հոդվածներում անդրադարձ էր կատարվում թյուրքական բոլոր լեզուներին, ինչպես նաև գրականության և մշակույթի տարբեր խնդիրները։ Պարբերականը հրատարակվել է մինչև 1992թ.։ Տևական դադարից հետո՝ 2009 թվականից այն սկսում է հրատարակվել Ռուսաստանի գիտությունների ակադեմիայի կողմից՝ «Российская тюркология» անվան ներքո։
Տարբեր տարիներին այս ամսագրի խմբագրական կազմի անդամներ են հանդիսացել խորհրդային հայտնի թյուրքագետները (օր.՝ Ա. Կոնոնովը, Ն. Բասկակովը և այլոք), այդ թվում նաև հայազգի հռչակավոր թյուրքագետ, թյուրքական լեզուների մասնագետ Երվանդ Սևորդյանը։
ՌԴ գիտությունների ակադեմիայի լեզվաբանության ինստիտուտի կայքում հասանելի են «Советская тюркология» ամսագրի բոլոր համարները՝ թվայնացրած։
Թյուրքագետ Վարուժան Գեղամյանի բլոգը 